Calaveras intelletualis
di Mario Puddu
Ma lah ca is Sardus seus saborius,
Comenti Conca Manna s’at pentzau:
Seus butàriga totu e cannonau,
Prus bonus puru fintzes iscundius!
E ita sonu chi feus! Conca Manna
S’at fatu a launedhas, no a perra
Ma prenas, sardus de mari e de terra
Bellus a fai sempri sonu ’e canna.
S’identidadi nosta est de papai:
De is grandus ciorbedhus regionalis
Is calaveras intelletualis
Difatis in Sardigna ant a abarrai.
